11 Feb, 2025
Ons is ongelooflik trots op Corné van Niekerk (Gr. 6L) vir sy indrukwekkende prestasies tydens die Bo-Cornelisrivier Geloftefees in Desember 2024!
- Perde Komando: Corné het hierdie trofee gewen in ‘n oop kategorie (alle ouderdomme, ± 40 deelnemers) tydens die perdekommandowedstryd. Deelnemers is beoordeel op netheid en hoe getrou hulle ‘n Voortrekker Penkop uitbeeld.
- Beste Onvoorbereide Toespraak (Gr. 4-5): Hy het uitgeblink teen 8 deelnemers en die trofee in sy ouderdomsgroep verower.
- Beste Voordrag (10-11 jaar): Met sy sterk voordrag het Corné teen 12 deelnemers meegeding en die eerste plek behaal.
Ons is trots op jou, Corné, en sien uit na jou toekomstige prestasies. Hou so aan!
